20 мая 2016 г.
Республикăра ĕç пуçаракансене грант формипе хресченпе фермер хуçалăхне йĕркелеме, аталан- тарма патшалăх пулăшăвĕпе тивĕçтерме тытăн-нăранпа, 2012 çултанпа, районти пилĕк фермер пĕрер миллион тенкĕ илме тивĕç пулчĕ.
Кăçал та ЧР Ялхуçалăх министерстви ирттернĕ конкурса районтан ултă çын документсем тăратнă. Пĕтĕмпе вара 114 заявлени пулнă. Конкурс документаци- йĕсене пăхса тухнă хыççăн 103-шне конкурсра хутшăнма юрăхлă тесе йышăннă. Ку списока пирĕн районтан Р.В.Герасимова, Н.Г.Ежеев, В.В.Музяков, В.Ю.Соловьев, Ю.Е.Тибогайкин та кĕнĕ. Анчах конкурс документацийĕсене тимлĕ тишкерсе хакланă хыççăн комисси пысăк балсем пухнă хресченпе фермер хуçалăхĕн 33 пуçлăхне кăна патшалăх пулăшăвĕ пама йышăннă.
Çĕнтерỹçĕсен йышĕнче Хватукасси ялĕнче пурăнакан Виталий Музяков фермер та пур. Виталий Владимировичăн документацийĕ пĕтĕмĕшле 3,359 балл пухнă, ытти фермерсен балсем сахал пухăннă. Палăртмалла, Виталий Музяков мăйракаллă шултра выльăх ĕрчетессипе ĕçлет. Унăн пĕр гектар çĕр, тăватă пуç мăйракаллă шултра выльăх, вăл шутра икĕ ĕне, вĕсемсĕр пуçне икĕ трактор, прицеп, роторлă косилка, плуг пур. Ĕç пуçаракан фермер малашне хуçалăхне пысăклатасшăн, выльăхсен шутне 15 пуç таран ỹстересшĕн, ялхуçалăх техники туянасшăн.
А.ЗАМУТКИНА.
Источник: "Пирěн пурнăç"