25 мая 2016 г.
Иртнĕ эрнере эпир "Коминтерн" ЯХПК уй-хирне çитсе ака ĕçĕсем епле пынине тишкертĕмĕр. Çав кунхине "Коминтерн" ЯХПК ĕçченĕсем Иккĕмĕш Липовка ялĕ çывăхĕнчи 6-мĕш уйра 80 гектар çинче урпа акатчĕç. Майăн 18-мĕшĕ тĕлне хуçалăх пĕтĕмпе çурхи пĕрчĕллĕ культурăсене 900 гектар акнăччĕ ĕнтĕ.
Майăн 23-мĕшĕччен вара вĕсем акана вĕçленĕ. Пĕтĕмпе 1103 гектар пĕрчĕллĕ тата пăрçа йышши культурăсене акнă, вăл шутра 300 гектар çурхи тулă, 643 гектар урпа, 160 гектар сĕлĕ. Çавăн пекех хуçалăх 100 гектар горчица тата выльăх апачĕ валли 210 гектар кукуруза акса хăварнă. Кĕркунне акса хăварнă культурăсем 576 гектар йышăнаççĕ, вĕсен 82,6 процентне апатлантарнă. Районĕпе илсен çуракипе лару-тăру çакăн пек: çурхи пĕрчĕллĕ тата пăрçа йышши культурăсене 3503 гектар (91,1 процент) акнă, çав шутра 1127 гектар тулă, 1615 гектар урпа, 701 гектар сĕлĕ. Районти ялхуçалăх предприятийĕсемпе хресченпе фермер хуçалăхĕ-сем иккĕмĕш çăкăра пĕтĕмпе 21 гектар çинче лартма палăртнă, хальлĕхе вăл 13 гектар йышăнать. Тунтикун тĕлне тăхăр хуçалăх - "Коминтерн", "Нива", "Аккозинское", "Победа", "Серебряные ключи" тата Н.Лисаев, В.Никитин, А.Ермаков, Н.Абрамов фермерсем - ака ĕçĕсене вĕçленĕ.
Çав хушăра:
Çĕрпỹ районĕнче майăн 19-мĕшĕнче ЧР Ялхуçалăх министерстви ертсе пынипе тата Агро- промышленность комплексĕн ветеранĕсен канашĕн пуçарăвĕпе пысăк канашлу иртнĕ. Пухăннисем умĕнче малта пыракан ялхуçалăх предприятийĕсен ертỹçи-сем те тухса калаçнă. Районти "Коминтерн" ЯХПК директорĕ Альбина Новикова хăйсен ĕç опычĕ-пе паллаштарнă. Альбина Борисовна власть органĕ-сен представителĕсене ялхуçалăх специальноçне илнĕ çамрăк специалист-сене тимлĕх уйăрма сĕннĕ, вĕсен вĕренсе тухсан практика хăнăхăвĕ пачах пулманни пирки каланă. А.ЗАМУТКИНА.
Источник: "Пирěн пурнăç"