Публикации » Пушара хирĕçле режим

25 мая 2016 г.

Майăн 22-мĕшĕнчен пуçласа пирĕн республикăра пушара хирĕçле режим çирĕплетнĕ. ЧР Правительствин çакăн çинчен калакан хушăвне Иван Моторин премьер-министр алă пуснă. Раççей МЧС-ĕн Чăваш Республикинчи тĕп управленийĕ пĕлтернĕ тăрăх - пушара хирĕçле ятарлă режим вăхăтĕнче граждансен кăвайт чĕртме, вут-кăвар çинче апат-çимĕç хатĕрлеме, вăрмансенче тата вĕсемпе юнашар территорисенче çỹп-çап çунтарма юрамасть. Вăрмантан е ялхуçалăх çĕрĕсенчен инçех мар вырнаçнă лаптăксенче те типнĕ курăка çунтарма чараççĕ. Çавăн пекех асăннă режим вăхăтĕнче пушар хăрушлăхĕ IV тата V класли чухне, çанталăк условийĕсене кура вăрмансене кĕме чармашкăн та пултараççĕ. Пушара хирĕçле ятарлă режим ăна пăрахăçласси пирки калакан хушу тухиччен вăйра тăрĕ.

Источник: "Пирěн пурнăç"