Публикации » 50 процентлă çăмăллăхпа

25 мая 2016 г.

2016 çулхи январĕн 1-мĕшĕнчен Раççей территорийĕнче çĕнĕ саккун ĕçлет. Унпа килĕшỹллĕн çулçỹрев правилисене пăсакансен штраф суммине 50 процент сахалтарах тỹлеме ирĕк пур. 50 процентлă çăмăллăхпа административлă протокол вăя кĕнĕ самантран 20 кун хушшинче усă курма пулать. Палăртнă вăхăт иртсен штраф суммине РФ КоАП-ĕн статйипе килĕшỹллĕн улăштараççĕ. Постановлени почтăра "çухалса кайма" пултарать. Çавăнпа та штрафсем пуррипе çуккине Патшалăх пулăшăвĕсен порталне кĕрсе тĕрĕслеме сĕнетĕп. Халĕ административлă штрафа вырăнтах тỹлеме пулать. Çакăн пирки Çул-йĕр патруль службин инспекторĕсенчен ыйтса пĕлмелле. Çавăн пекех Чăваш Республикин территорийĕнче панă штрафа çул-йĕр хăрушсăрлăх инспекцийĕн Çĕмĕрлери уйрăмĕнче те тỹлеме пулать.

В.ГАЛКИН, çул-йĕр хăрушсăрлăх инспекцийĕн Çĕмĕрлери уйрăмĕн начальникĕ.

Источник: "Пирěн пурнăç"