01 июня 2016 г.
Майăн 27-мĕшĕнче "Коминтерн" ЯХПК-ра машинăпа ĕне сăвакан операторсен районти конкурсĕ иртнĕ.
Асăннă хуçалăха вĕсем ахальтен пухăнман: "Коминтерн" - республикăра малта пыракан агропредприяти, районти ытти хуçалăхсемшĕн вăл тĕслĕх шутланать. Унăн ертỹçи Альбина Борисовна Новикова мероприятие хутшăнакансене Трапайри сĕт комплексĕпе, Атнарти тата Сорăмри сĕт фермисен ĕçĕпе паллаштарнă. Ку фермăсене кашнинех реконструкциленĕ, ĕçсене пĕтĕмпех автоматизациленĕ. Машинăпа чи лайăх ĕне сăвакансен конкурсне районти чи пултаруллă пилĕк ĕне сăвакан ("Коминтерн", "Нива" тата "Свобода" хуçалăхсенчен) хутшăннă. Вĕсем сумалли аппарата салатса-пухса, ĕне суса кăтартнă.
Чи пултарулли "Коминтерн" ЯХПК-ри Марина Геннадь-евна Мокрова пулнă, вăл пĕрремĕш вырăн йышăннă. Иккĕмĕш - çак хуçалăхри Алина Владимировна Сорокина, виççĕмĕш _ "Нива" ЯХПК-ри Эльвира Николаевна Ямскова. Çапла вара Марина Мокрова июнĕн 15-16-мĕшĕсенче район чысне "Атла-шевский" ялхуçалăх кооперативĕн терри-торийĕнче иртекен машинăпа ĕне сăвакан операторсен республикăри конкурсĕнче хỹтĕлĕ.
А.ЗАМУТКИНА.
Источник: "Пирěн пурнăç"