03 июня 2016 г.
Сĕнтĕкçырми ялĕнчи уйрăм хуçалăхра тилĕ чăхха тапăннă. Хальхи вăхăтра асăннă хуçалăхра никам та пурăнмасть. Çак ялта пурăнакан пĕр хĕрарăм çакна асăрханă та тилле пуçĕнчен патакпа вилмеллех çапнă. Унтан районти чĕрчунсен чирĕпе кĕрешекен станцие пĕлтернĕ.
Патшалăх ветеринари службин специалисчĕсем тилĕ вилнĕ вырăна çиекен 10 процентлă натрипе икĕ хутчен дезинфекциленĕ. Тилĕ виллине Чăваш Республикин ветеринари лабораторине çитернĕ. 2016 çулхи майăн 24-мĕшĕнче Чăваш Республикин ветеринари лабораторийĕнчен тĕрĕслев кăтартăвĕ-сем çитнĕ, вĕсем тилĕ уртаракан чирпе аптăранине çирĕплетнĕ.
Хĕрлĕ Чутай районĕнчи Сĕнтĕкçырми ялĕн территорийĕнче майăн 27-мĕшĕнчен карантин пырать. Ĕç кăтартăвĕсене Россельхознадзорăн Чăваш Республикинчи управленийĕ тĕрĕслĕ. Ветеринарипе фитосанитари асăрхавĕн Чăваш Республикинчи тата Ульяновск облаçĕнчи федераллă службăн управленийĕ.
Источник: "Пирěн пурнăç"