08 июня 2016 г.
Юлашки уйăхсенче республикăн обществăпа политика пурнăçĕн кун йĕркинче пĕр пулăм - "Единая Россия" партин малтанхи сасăлавĕ - пулчĕ. Майăн 22-мĕшĕнче Чăваш Енре пурăнакансем "Единая Россия" партирен сентябрĕн 18-мĕшĕнче Раççей Патшалăх Думин тата Чăваш Патшалăх Канашĕн суйлавне хутшăнакан кандидатсене суйларĕç.
Сасăлав пĕтĕмлетĕвĕсене тунă, çĕнтерỹçĕсем паллă. Анчах та кун пек малтанхи сасăлав пĕтĕм çĕршывĕпех пĕрремĕш хут иртрĕ (19 пин шутлав участокне уçнă) пулсан, вăл мĕнле иртнине, мĕнле пĕтĕмлетỹ тумаллине халĕ те сỹтсе яваççĕ. Иртнĕ эрне вĕçĕнче Чăваш Республикин Наци библиотекинче иртнĕ çавра сĕтеле çак ыйтусене халал- ланă. Унта малтанхи сасăлава хутшăннисем, экспертсем, политологсем тата журналистсем пухăннă. Малтанхи сасăлава хутшăннă "Чăваш Енĕн наци телерадиокуравĕн" режиссер-постановщикĕ Валентин Петров хăйĕн туйăмĕсемпе паллаштарнă, ку уншăн халăх хушшинче пухнă пахаран та паха опыт пулнине пĕлтернĕ. Вăл малтанхи сасăлав унта хутшăннисем валли пысăк политикăна çул уçма пултарнине палăртнă. Политика карьери çапла пуçланмалла та пулĕ - пỹлĕмсенче мар, суйлавçăсемпе тĕлпулусенче. Сасăлава хутшăннă "Дентамед" клиникăн тĕп врачĕ Юрий Зорин хăйĕн çамрăк ĕçтешĕ майлă пулса малтанхи сасăлава пула суйлавçăсем хăйĕн кандидачĕ пирки суйлавччен чылай маларах пĕлме пултарнине каланă. "Манăн республикăн аякри ялĕсене çитсе унта пурăнакансемпе калаçма май пулчĕ. Куçа-куçăн калаçни тата суйлавçăсен йывăрлăхĕсене итлеме пĕлни мана вĕсен сассисене илме пулăшрĕ", - каласа панă Юрий Зорин. Çавăн пекех вăл кандидатсен хăйсен сăмахĕсемшĕн яваплă пулмаллине аса илтернĕ, суйлавçăсен сассисене илессишĕн пурнăçлама пултарайман сăмах парасран асăрхаттарнă.
Сасăлава хутшăннисенчен чи çамрăкки, Нина Любинарская студент, сасăлав пĕтĕмлетĕвĕсемпе пысăк рейтинг çĕнсе илнĕ, çĕршыври политика тытăмĕ епле ĕçленине халĕ лайăхрах ăнланма пуçланине каланă. Сăмах май, вăл малтанхи сасăлава хăйнеевĕрлĕ уçаканни пулни, ăна ятарлă хисеп хучĕпе палăртнă. Ăнланмалла, сасăлава хутшăнни-сем чылайăшĕ пысăк рейтинг çĕнсе илеймен. Анчах та, "Единая Россия" партин регионти уйрăмĕн ертỹçи Николай Малов маларах палăртнă пек, вĕсем пурте "Единая Россия" партин куçĕ умĕнчен çухалмĕç, вĕсен пултарулăхĕпе вăй-хăвачĕ малашне те Чăваш Ен çыннисен ырлăхĕшĕн ĕçлеме кайĕ.
Çапла майпа Владимир Путин Президент малтанхи сасăлава пула "Единая Россия" парти çĕнелме пултарать тенĕ тезис пурнăçланĕ. Малтанхи сасăлавччен тата хыççăн "унăн пĕтĕмлетĕвĕсене тата çĕнтерỹçисене малтанах пĕлме пулнă" тенине час-часах илтме тỹр килнĕ. Анчах та "Единая Россия" партин регионти уйрăмĕн ĕçтăвком ертỹçи Дмитрий Щепелев пĕлтернĕ тăрăх, тĕрĕссипе ун пек пулман - парти членĕсем хушшинчи конкуренци çирĕп пулнă. Тĕслĕх вырăнне вăл Чăваш Республикин сывлăх сыхлавĕн министрне Алла Самойлована тата Чăваш Патшалăх Канашĕн председателĕн çумне Николай Малова илсе кăтартнă, вĕсем пĕр округпа пулнă. Иккĕшĕ те - опытлă политик тата Чăваш Енри паллă çынсем. Суйлавçăна, тен, вĕсем хушшинче тивĕçлĕреххине суйлама çăмăл пулман. Анчах та, Дмитрий Щепелев палăртнă тăрăх, çакă шăпах малтанхи сасăлав процедурин уçăмлăхне тата демократилĕхне палăртать - Чăваш Енре пурăнакансен интересĕ-сене çĕршывăн тата республикăн саккун кăларакан власть органĕ-сенче суйлавçăсем питĕ шанакан кандидатсен хỹтĕлемелле.
Источник: "Пирěн пурнăç"