17 июня 2016 г.
Хальхи вăхăтра ял ĕçченĕ умĕнчи тĕп задача - обществăлла выльăх валли выльăх-чĕрлĕх апачĕ çителĕклĕ янтласа хурасси. Кашни хуçалăх выльăхсене хĕл каçарма апат мĕн чухлĕ кирлине шутласа хунă ĕнтĕ. Кăçал ялхуçалăх предприятийĕсем кашни условнăй выльăх пуçне 29 апат единици хатĕрлеме планлаççĕ. Районĕпе, акă, 5642 тонна сенаж, 7168 тонна силос, 2390 тонна утă хатĕрлесе хума палăртнă. Июнĕн 15-мĕшĕ тĕлне ялхуçалăх предприятийĕсем 87 тонна утă хатĕрленĕ, 2003 тонна сенаж хывнă. Выльăх валли тутлăхлă апат хывса хурассипе "Коминтерн" ЯХПК пысăк хăватпа ĕçлет, атнарсем 2000 тонна сенаж хывнă, В.Устинов фермер - 3 тонна. Утă янтлассипе "Аккозинское" (30 тонна), "Серебряные ключи" (35 тонна) хуçалăхсем, В.Устинов (15 тонна), А.Ермаков фермерсем (7 тонна) лайăх ĕçлеççĕ.
Источник: "Пирěн пурнăç"