22 июня 2016 г.
ЧР Патшалăх Канашĕн депутачĕ Валерий Павлов ял уявĕ сене те тимлĕхсĕр хăвармасть, халăхпа пĕрле пулма, вĕсене хавхалантарма тăрăшать. Акă июнĕн 19-мĕшĕнче районти Ачкасси тата Пантьăк ял тăрăхĕсене кĕрекен Шулю, Утаркасси, Мишеркасси ялĕ-сенче Çветтуй Троицăна тата ял кунĕсене уявланă. Савăнăçлă уява район тата ял тăрăхĕсен пуçлăхĕсемпе пĕрле Валерий Павлов та хутшăннă.
Валерий Павловпа Александр Степанов, Александр Башкиров тата ыттисем пухăннисене уяв ячĕпе салам-ланă, районăн пурнăçĕпе çитĕнĕвĕсем çинче кĕскен чарăнса тăнă. Унтан Валерий Павлов хатĕрлев ĕç-хĕлĕнче активлă пулнăшăн, сĕт нумай панăшăн Пĕрремĕш Липовкăри Владимирпа Нина Храмовсене, Шулюри Тамара Окайкинана, ял тăрăхĕн пурнăçĕнче активлăх кăтартакан Шулю ялĕн старостине Иван Крыцова тата Серен-кассинчи Культура çурчĕн пултарулăх ушкăнне хутшăнакан Евгений Инжебейкина, Мишеркасси ялĕнчи Наталья Филипповапа Светлана Иванова сутуçăсене, Галина Мухарова сĕт паракана тата ял тăрăхĕнчи "Сăр таппи" пултарулăх ушкăнĕн ертỹçине Юрий Ельмова Тав çырăвĕсемпе парнесем парса чысланă.
Çавăн пекех ял тăрăхĕн пурнăçĕнче активлăхпа палă-ракан чылай ял çынни уявра район администрацийĕн, "Единая Россия" партин регионти уйрăмĕн, ял тăрăхĕ-сен Тав çырăвĕсене тивĕçнĕ.
А.ДМИТРИЕВА.
Источник: "Пирěн пурнăç"