29 июня 2016 г.
Районти футболистсен пĕрлештернĕ "Спартак" команди (тренерĕ-Владимир Герасимов, капитанĕ - Сергей Ульянов) черетлĕ çĕнтерỹпе савăнтарчĕ. Килти вăййа хĕрлĕчутайсем июнĕн 25-мĕшĕнче Питĕркасси стадионĕнче сĕнтĕрвăррисен"Водник-Волга-ТАВ" командипе ирттерчĕç, вĕсене 3:1 шутпа çĕнтерчĕç. Хăнасен хапхине мечĕк кĕртекенĕсем - Евгений Волков тата Евгений Медведев.
Вĕсене июлĕн 2-мĕшĕнче Çĕрпỹ футболисчĕсен командипе иртекен черетлĕ вăйăра ăнăçу сунатпăр.
Алексей НИКИТИН, райадминистрацин физкультурăпа спорт тата çамрăксен политикин секторĕн заведующийĕ.