Публикации » Амăшĕн капиталĕнчен - 25 пин тенкĕ

01 июля 2016 г.

Амăшĕн капиталне тивĕçнĕ çемьесем паянтан, июлĕн 1-мĕшĕнчен, пĕр хутчен 25 пин тенкĕ илме заявлени çырма пултараççĕ. Заявленисене Пенси фончĕн районти уйрăмĕнче йышă-наççĕ. Черетре тăрас мар тесен Пенси фончĕн сайтне кĕрсе электронлă майпа çырăнса хума май пур. Çавăн пекех заявление Патшалăх пулăшăвĕсен пĕрлехи порталĕнче те пама пулать. Заявлени çырма кайнă чухне пĕрле паспорт тата банкри счет пирки калакан справка пулмалла. Çавăн пекех пĕрле СНИЛС илсен те аван. Укçа заявлени çырнă хыççăн уйăхран куçать. Ку нухратпа çемьесем хăйсем пĕлнĕ пек усă курма пултараççĕ. Пĕлтĕр амăшĕн капиталĕнчен 20 пин тенкĕ илнисем те кăçал 25 пин тенкĕ илееççĕ. Асăннă тỹлевпе амăшĕн капиталне кăçалхи сентябрĕн 30-мĕшĕччен тивĕçнĕ (е тивĕçме пултаракан) çемьесем усă кураяççĕ. Паллах, амăшĕн капиталĕн укçипе усă курса пĕтермен пулсан. Заявленисене 2016 çулхи ноябрĕн 30-мĕшĕччен йышăнаççĕ.

А.КАРПОВА.