Публикации » Техника моделĕсемпе мала тухрĕç

01 июля 2016 г.

Июнĕн 24-мĕшĕнче Элĕк салинче Республикăри уçă курав - "Моделировани тĕнчи" техника пултарулăхĕн кон-курсĕ - иртрĕ. Куравра 1-11 классенче вĕренекенсен 100 яхăн ĕçне курма май пулчĕ. 10 муниципалитетпа пĕрле мероприятие хĕрлĕчутайсем те хутшăнчĕç. Вĕсем хăйсен техника моделĕсене республика Пуçлăхĕ тата хăнасем умĕнче ĕçре кăтартрĕç. Конкурс пĕтĕмлетĕвĕпе районти Ачасен пултарулăх çурчĕн вĕренекенĕ Екатерина Малыше-ва вăтам ушкăнра "Робот-семпе ирĕклĕ тата тĕрлĕ енлĕ конструкциллĕ хатĕрсем" номи-нацире 1-мĕш, "Конструировани: Малашлăхăн техника моделĕсем" номинацире 2-мĕш вырăн йышăнчĕ. Елена Гурьянова вара асăннă номинацире аслă ушкăнри конкурсантсем хушшинче 1-мĕш вырăна тухрĕ (ертỹçи - Александр Храмов). Вĕсем Чăваш Республикин Вĕренỹ тата çамрăксен политикин министерствин дипломне, укçан хавхалантарăва тивĕçрĕç.

В.КОРАКОВА, районти Ачасен пултарулăх çурчĕн директорĕ.