01 июля 2016 г.
Июлĕн 3-мĕшĕ - Çул-йĕр хăрушсăрлăхĕн патшалăх инспекцийĕн кунĕ
80 çул каялла, 1936 çулхи июлĕн 3-мĕшĕнче, СССР-ăн Халăх Комиссарĕсен Канашĕ Патшалăх автоинспекцийĕ çинчен калакан положение çирĕп-летнĕ. Çак куна ПАИ (халĕ - Çул-йĕр хăрушсăрлăхĕн пат-шалăх инспекцийĕ) çуралнă кунĕ тесе йышăннă.
Паянхи кун Хĕрлĕ Чутай районĕнчи çулсем çинчи хăруш-сăрлăха Çĕмĕрлери патшалăх инспекцийĕ асăрхаса тăрать. Ăна 2013 çултанпа Владимир Лаврентьевич Галкин ертсе пырать. Асăннă инспекцире пирĕн район çыннисем те тăрăшаççĕ, çав шутра - çамрăксем те. Акă Енкĕлт каччи Алексей Андреевич Самышкин çул-йĕр инспекцийĕн-че 2014 çултанпа тимлет. Вăл - çул-йĕр çинчи патруль службин инспекторĕ, полици лейтенанчĕ. Мускаври экономика институтĕнчен вĕренсе тухнă, полици шкулне пĕтернĕ.
Çулсем çинче йĕрке тăвассишĕн, хăрушсăрлăхшăн тăрăшакансен ĕçĕ çăмăл мар. Вĕсене ытларах руль умне ларнисем е çуран çỹрекенсем правилăсене пăхăнманни пăшăрхантарать. "Çул çине тухакансен хăйсен культура шайне ỹстермелле, харпăр-хăйне тытма вĕренмелле, яваплăха туймалла. Çавăн чухне тин çул çинчи инкексен шучĕ чакĕ", - тет Алексей Самышкин çамрăк инспектор.
А.КАРПОВА.