Публикации » Паян - Çемье, юратупа шанчăклăх кунĕ

08 июля 2016 г.

Уяв ячĕпе паян районти ЗАГС пайĕнче те савăнăçлă мероприяти иртет. Çак кун нумай çул юратупа килĕшỹ-ре пурăнакан мăшăрсене "Юратупа шанчăклăхшăн" орденпа, медальпе чыслани - калама çук ырă пулăм. Чăваш Республикин Пуçлăхĕн Михаил Игнатьевăн 2016 çулхи июлĕн 7-мĕшĕнчи Указĕпе килĕшỹллĕн Хĕрлĕ Чутайри Раиса Андреевнăпа Анатолий Степанович Кашкировсене çемье институтне çирĕплетессине пысăк тỹпе хывнăшăн "Юратупа шанчăклăхшăн" орденпа наградăлаççĕ. Асăннă орден медальне вара Хĕрлĕ Чутайри Наталья Викторовнăпа Виталий Кузьмич Чишкинсем, Енкĕлт ялĕнчи Ирина Евгеньевнăпа Владимир Александрович Захаровсем (вĕсем пирки хаçатăн çитес номерĕсенче пĕлтерĕпĕр) тивĕçеççĕ. Çемьене упрасчĕ. Çемьере телейли кăна чăннипех телейлĕ пулнине асра тытасчĕ.