13 июля 2016 г.
Раççей Центросоюзĕ "Ялхуçалăх продукцине аван сутакан" тата "Уйрăм хушма хуçалăхсемпе аван ĕçлекен потребительсен обществи" Пĕтĕм Раççейри конкурссене пĕтĕмлетнĕ.
2015 çулхи ĕç кăтартăвĕсемпе "Ялхуçалăх продукцине аван сутакан" номинацире Арайкассинчи Александр Устинов палăрнă. Хĕрлĕ Чутай райповĕ вара "Уйрăм хушма хуçалăхсемпе аван ĕçлекен потребительсен обществи" ята тивĕçнĕ. Çĕнтерỹçĕсене Раççей Центросоюзĕн Хисеп грамотисемпе тата дипломсемпе чыслĕç.
Палăртмалла, райпо харпăр хăй хушма хуçалăхне тытакансемпе тачă çыхăнура ĕçлет, районти пур ялтан та кунне 15 тоннăна яхăн сĕт пухать. Акă Маргарита Еремина сĕт пухакан сакăр ялта - Тумликасси, Ишеккасси, Уйпуç, Çĕнĕ Ирчемес, Калкасси, Енкĕлт, Туктамăш, Çĕнĕ центр - кунне 1 тонна та 600 килограма яхăн сĕт пуçтарать.
А.ТИМОФЕЕВА.