20 июля 2016 г.
Раççей почтин кунĕнче Утаркасси почта уйрăмĕн начальникĕ Вера Николаевна Федорова чылай наградăна тивĕçрĕ. Чи пĕрремĕшĕ - почта çыхăнăвне аталантарас ĕçе тỹпе хывнăшăн "Раççей почти" ФПУП-ăн Хисеп грамоти. Иккĕмĕшĕ - ĕçре тĕслĕх кăтартнăшăн 15 пин тенкĕ преми. Виççĕмĕшĕ - "Пирĕн пурнăç" хаçат редакцийĕн Тав çырăвĕ.
Вера Николаевна Федорова 1978 çулта Мучикасси ялĕнче кун çути курнă. Шкул хыççăн бухгалтер профессине алла илнĕ. 2000 çулта Тралькасси ялĕн почтальонĕнче вăй хума тытăннă. Тăрăшуллă çамрăка почта ертỹçисем почтальон ĕçĕсĕр пуçне почта уйрăмĕн начальникĕн тивĕçĕсене те пурнăçлама шаннă. Районти почта уйрăмĕсен начальникĕсене отпуск вăхăтĕнче, чирленĕ самантсенче ĕçре В.Федорова ылмаштарнă. 2005 çулта Вера Николаевнăна Питĕркасси почта уйрăмĕн начальникĕн тивĕçне шаннă. 2009 çултан вара Утаркасси почта уйрăмĕн начальникĕнче тăрăшать. Вера Николаевна хăйне шанса панă ĕçе тỹрĕ кăмăлпа пурнăçлать, çултан-çул ĕç кăтартăвне ỹстерсе пыма тăрăшать. Çакна кашни çулах Раççей почтин ку- нĕнче ăна тĕрлĕ наградăсемпе чыслани те çирĕплетет.
Палăртма кăмăллă, юлашки çулсенче сăнанă май, Вера Николаевна хăйĕн ĕçтешĕсем хушшинче Раççей грамотине тивĕçнисен йышĕнче чи çамрăкки.
А.ОРИНОВА.