20 июля 2016 г.
Нумаях пулмасть районта райпо ĕçченĕсем хăйсен професси уявне паллă турĕç. Уявра чылай ĕçчен тĕрлĕ шайри наградăсене тивĕçрĕ, вĕсенчен пĕри - "Питание" ТЯО поварĕ Розалия Ульянова.
Розалия Леонидовна 1993 çултанпа Хĕрлĕ Чутайри вăтам шкулта поварта ĕçлет. Унччен вăл райпон обществăлла апатлану тытăмĕнче тăрăшнă. 2006 çултанпа асăннă шкулта вĕренекенсене вĕри апат çитерессине райпо хăй çине илнĕ. Çавăнпах ĕнтĕ Розалия Ульянован коопераци тытăмĕнчи ĕç стажĕ 14 çулпа танлашать. Пĕтĕ мĕшле ĕç стажĕ вара унăн - 30 çул. Нумай çул хушши тỹрĕ кăмăлпа, тĕллевлĕ ĕçлесе пынăшăн, пĕçерекен апат пахалăхне тимлĕх уйăрнăшăн, ыттисемшĕн ырă тĕслĕх пулнăшăн Чăваш Патшалăх Канашĕн депутачĕ, Чăвашпотребсоюз председателĕ Валерий Павлов Розалия Ульянована ЧР Патшалăх Канашĕн Хисеп грамотине парса чысларĕ.
А.КАРПОВА.