27 июля 2016 г.
Кăçал Раççей Федерацийĕн чикĕ хуралĕ йĕркеленнĕренпе 98 çул çитнине халалласа июлĕн 23-мĕшĕнче Комсомольски салинче пограничниксен службин ветеранĕсене, Çурçĕр Кавказ, Афганистан территорийĕсенчи хĕрỹ ĕç-пуçа хутшăннă салтаксене асăнса уçă ăмăртусем иртнĕ. Мероприятие республикăри пограничниксен "Пограничник-сен тăванлăхĕ" обществăлла организацийĕн Комсомольскинчи уйрăмĕ йĕркеленĕ.
Мини-футболла, волейболла выляс, дартс, граната ывăтас, вырăнтан тăршшĕне сикес, 100 метр чупас ăмăртусене Чăваш Енри хуласемпе районсенчи, вăл шутра пирĕн районти ветеран-пограничниксем те, хутшăннă. Вĕсенчен хăшĕсем вăл е ку спорт тĕсĕнче палăрма та пултарнă.
Акă Петр Мерескин дартсра, Николай Абаськин граната ывăтса иккĕмĕш тухнă. Александр Колендрейкин вырăнтан тăршшĕне сиксе тата чупса мала тухнă. Михаил Антонов 100 метрлă дистанцие чупса пĕрремĕш вырăн йышăннă. Çĕнтерỹçĕсемпе призерсем "Пограничниксен тăванлăхĕ" организацин медалĕсемпе дипломĕсене тивĕçнĕ.
Источник: "Пирěн пурнăç"