Публикации » Чăваш Ен çĕршыври маунтинбайк центрĕ пулса тăчĕ

29 июля 2016 г.

Июлĕн 23-мĕшĕнче "Шупашкар: 500 çул" паркра Раççейри велосипед спорчĕн аталанăвĕн историне яланлăх кĕрсе юлакан хăйнеевĕрлĕ уяв пулчĕ. Кунта çĕршыври чи пирвайхи мăнаçлă маунтинбайк центрĕ - тĕнче шайĕнчи Олимп объекчĕ - уçăлчĕ. Асăннă кун республика Пуçлăхĕ Михаил Игнатьев Шупашкарта маунтинбайк енĕпе хатĕрлекен Центра уçнă çĕре хутшăннă, велосипед спортне тата физкультурăна юратакансене, маунтинбайк енĕпе çĕршыв чемпионатне хутшăнма вун-вун регионтан килсе çитнĕ велосипедистсемпе сумлă хăнасене саламланă май объекта федераци программипе килĕшỹллĕн тунине, çак тĕллевпе федераци тата республика бюджетĕнчен 440 миллион тенкĕ укçа кайнине палăртнă. Июлĕн 23-24-мĕшĕсенче Шупашкарта маунтинбайк енĕпе кросс-кантри тĕсĕпе Раççей чемпионачĕ иртрĕ.

Источник: "Пирěн пурнăç"