29 июля 2016 г.
Августăн 27-мĕшĕнче "Кино çулталăкне" халалласа çĕршывра пĕрремĕш хут "Кино каçĕ" акци иртет. Çак кун çĕршывăн ытти регионĕпе пĕрле республикăри мĕнпур хулапа районта та "Кино каçĕ" акци ирттерме палăртнă.
Каçхи кинон пĕрремĕш акцине республикăра çỹллĕ шайра ирттерме палăртаççĕ, Чăваш Енри хуласемпе районсенче пурĕ 130 площадка ĕçлĕ: вĕсем культура çурчĕсенче, библиотекăсенче вырнаçĕç. Мероприяти программине юратнă фильмсене халалласа хатĕрленĕ куравсем, презентацисем, вăйăсем, конкурссемпе виктори-нăсем кĕртĕç. Чи пахи - каçхи 8 сехетре пур çĕрте те пĕр харăс тỹлевсĕр кино кăтартĕç. Раççей тата чăваш кураканĕсем Кино фондĕнче упранакан юратнă 4 фильма курма пултарĕç, вĕсене куракан суйлав мелĕпе хăй палăртĕ.
Кино курма кăмăллакан чăвашсен наци кинематографийĕн çĕнĕ ĕçĕсемпе паллашма май пулĕ. Репертуара çак картинăсене кĕртнĕ: "Хорло", "Чувашские амазонки", "Чăваш тĕнчи", "Çĕнĕ шăпăр çĕнĕлле шăлать", "История великого народа" (продюсерĕ - пирĕн ентеш, Мăн Этмен тăрăхĕнчи Юрий Михеев). Пирĕн районта та "Кино каçне" асра юлмалла ирттерме палăртнă.
Источник: "Пирěн пурнăç"