03 августа 2016 г.
Серенкассинче пурăнакан нумай ача амăшĕ, тыл ĕçченĕ Ольга Ямброськина ĕнер 90 çул тултарнă. Ольга Федоровна мăшăрĕпе сакăр хĕрпе виçĕ ывăл çуратса ỹстернĕ, вĕсене тарăн пĕлỹпе тĕрĕс воспитани парса пурнăç çулĕ çине кăларнă. Ольга Федоровна çакăншăн "Ача амăшĕ героиня" хисеплĕ ята тивĕçнĕ. Паян кинеми пĕчченех пурăнать пулин те 11 ачин, 23 мăнукĕн, 14 кĕçĕн мăнукĕн юратăвĕпе ăшшине туйсах тăрать. Ачисемпе мăнукĕсем амăшĕ, асламăшĕ, кукамăшĕ патне килсех çỹреççĕ, пулăшсах тăраççĕ.
Источник: "Пирěн пурнăç"