05 августа 2016 г.
Сентябрĕн 18-мĕшĕнче иртекен çиччĕмĕш созыври РФ Патшалăх Думин тата улттăмĕш созыври ЧР Патшалăх Канашĕн депутачĕсен суйлавĕн планне çирĕплетнĕ май çакна пĕлтересшĕн: - суйлав участокĕ вырнаçнă территорире июнĕн 17-мĕшĕнчен кая мар вăхăтлăх регистрациленнĕ граждансем хăйсене суйлавçăсен списокне кĕртме августăн 27-мĕшĕччен районти территорири суйлав комиссине пырса заявлени çырма пултараççĕ (заявлени çырман граждансем сентябрĕн 18-мĕшĕнче сасăлаймĕç).
- республика тулашне ĕçлеме е вĕренме тухса кайнине пула е ытти сăлтавпа сентябрĕн 18-мĕшĕнче суйлав участокне çитме пултарайман граждансем хăйсен суйлав ирĕкĕпе усă курас тĕллевпе открепительнăй удостоверени илееççĕ:
- районти территорири суйлав комиссийĕнче - августăн 3-мĕшĕнчен пуçласа сентябрĕн 6-мĕшĕччен;
- участокри суйлав комиссийĕсенче - сентябрĕн 7-17-мĕшĕсенче. Районти территорири суйлав комиссийĕ вырсарникунсăр пуçне кашни кунах 9 сехетрен пуçласа 17 сехетчен ĕçлет.
Кăнтăр апачĕ - 12 сехетрен пуçласа 13 сехетчен.
Лилия РОМАНОВА, районти территорири суйлав комиссийĕн председателĕ.
Источник: "Пирěн пурнăç"