05 августа 2016 г.
Районти ялхуçалăх предприятийĕсенче тата хресченпе фермер хуçалăхĕсенче тыр-пул пухса илес ĕç малалла пырать. Августăн 4-мĕшĕ тĕлне пĕрчĕллĕ тата пăрçа йышши культурăсене 1654 гектар çинчен çулнă. Пĕтĕмпе çĕр ĕçченĕсем 4873 тонна тĕштырă тĕшĕлесе илнĕ.
Кăçалхи тыр-пул тухăçĕ ытти çулхисенчен самай пысăкрах, районĕпе вăтамран вăл 29,8 центнерпа танлашать. Уйрăм хуçалăхсенче тухăçлăх район кăтартăвĕнчен те пысăкрах. Сăмахран, В.А.Никитин фермер хуçалăхĕнче гектар пуçне 35 центнерпа, "Коминтерн" ЯХПК-ра 34,8 центнерпа, "Нива" ЯХПК-ра 32,5 центнерпа танлашать.
Хĕвеллĕ çанталăкпа усă курса район уй-хирĕнче кашни кунах çичĕ комбайн тыр-пул вырать, кашни хир карапĕ вăтамран кунне 19 гектар тыр-пул пуссине тирпейлет. Çав хушăрах ял ĕçченĕсем кĕрхи культурăсене акма çĕр хатĕрлеççĕ. 1460 гектар хатĕр те ĕнтĕ. Унсăр пуçне вĕсем 3957 гектар нумай çул ỹсекен, 392 гектар пĕр çул ỹсекен курăксене çулнă. А.ДМИТРИЕВА.
Источник: "Пирěн пурнăç"