Публикации » Тỹрĕ кăмăлпа ĕçленĕшĕн

10 августа 2016 г.

Раççей почтин кунĕнче Хусанушкăнь почта уйрăмĕн начальникĕ Алина Васильевна Афондеркина почта çыхăнăвне аталантарас ĕçе тỹпе хывнăшăн "Раççей почти" ФПУП-ăн республика шайĕнчи грамотипе пĕрле 9 пин тенкĕ преми илчĕ. Çавăн пекех вăл ертсе пыракан коллектив хаçат-журнал çырăнтарнăшăн тата тупăш пайне ỹстернĕшĕн Çĕмĕрлери почтамтăн Тав çырăвне тивĕçрĕ. Алина Васильевна 1972 çулхи апрелĕн 28-мĕшĕнче Урикасси ялĕнче кун çути курнă. Шкул хыççăн Шупашкарти çыхăну техникумĕнче алла професси илнĕ. 1992 çулта вăл Хусанушкăнь почта уйрăмĕн начальникĕнче вăй хума тытăннă. Унтанпа 24 çул та çитрĕ. Алина Афондеркина хăйне шанса панă ĕçе тỹрĕ кăмăлпа пурнăçлать, çултан-çул ĕç кăтартăвне ỹстерсе пыма тăрăшать. Паянхи кун А.Афондеркина çемйипе Тракушкăнь ялĕнче тĕпленнĕ, мăшăрĕпе икĕ ывăла кун çути парнеленĕ.

А.ОРИНОВА.

Источник: "Пирěн пурнăç"