12 августа 2016 г.
Район прокуратури райадминистрацин хăш-пĕр должноçри уйрăм çынсем "2015-2020-мĕш çулсем валли "Çурт-йĕр" федераллă тĕллевлĕ программăн "Çамрăк çемьесене çурт-йĕрпе тивĕçтересси" çум-программăна пурнăçланă чухне саккуна пăснине тупса палăртнă. Вĕсем çамрăк çемьесене çурт-йĕр туянма е уйрăм кил-çурт çĕклеме паракан социаллă тỹлевпе тивĕçтерес тĕлĕшре правилăсене пăснă.
Тĕрĕслев кăтартса панă тăрăх, район администрацине 2008 çулта заявлени панине кура çамрăк çемьене пуçлăх йышăнăвĕпе пурăнмалли çурт-йĕр условийĕсене лайăхлатмашкăн черете илнĕ, çемье "Çамрăк çемьесене çурт-йĕрпе тивĕçтересси" çумпрограммăна хутшăннă. Кăçалхи май уйăхĕнче çак çемье социаллă тỹлев илес тĕллевпе заявлени çырнă тата документсем тăратнă. Документсене тăратасси палăртнă вăхăтпа килĕшỹллĕн пулса тухман. Район администрацийĕн эксперт специалисчĕ çакна пăхмасăрах документсене йышăннă. Тĕрĕссипе, унăн вăхăт иртсе кайнине кура йышăнмалла пулман. Çапах та кăçалхи май уйăхĕнче çамрăк çемье социаллă тỹлев свидетельствине тивĕçнĕ. Правилăпа килĕшỹллĕн ĕç тăвакан власть органĕсем çамрăк çемьесен списокне палăртнă йĕркепе улшăнусем кĕртме пултарнă.
Йĕркене пăснă тĕслĕхпе прокуратура ЧР Строительство министерствине çамрăк çемьесен списокне улшăну кĕртме сĕннĕ. Тĕрĕслев кăтартăвĕпе асăннă çамрăк çемьене списокран кăларнă. Çавăн пекех район прокурорĕ райадминистрацине çитменлĕхсене пĕтерме представлени тăратнă.
ЧР прокуратурин пресс-служби.