17 августа 2016 г.
Юлашки вăхăтра пуяс тесе тĕрлĕ мелпе усă кураççĕ. Вĕсен серепине лекекенсем - çамрăксем те, аслăрах çулхисем те. Ĕçлемесĕр, тар юхтармасăр никам та "çỹлтен" укçа пăрахса памасть. Ултавçăсем:"Ваша карта заблокирована", - тесе суйса банкран тесе шăнкăравлаççĕ. Сирĕнтенех банк карттин даннăйĕсене ыйтса пĕлсе мĕнпур укçăра кăларса илеççĕ. Ун пек тĕслĕхсем районта чылай пулаççĕ, кăçал ку енĕпе виçĕ уголовлă ĕç пуçарнă. Çавăнпа та çакна каламалла: карттă ĕçлемесен телефон урлă мар, хăвăр банка каймалла та тĕрĕслеттермелле.
Пĕлмен-палламан çынна хăвăр пирки васкаса пĕлтерме кирлĕ мар. Çынсем патне:"Сирĕн ачăр аварине лекнĕ. Укçа ярса парăр", - текен СМС та яма ỹркенмеççĕ ултавçăсем. Хумханса, хăраса укçăра палламан, пĕлмен счет çине хума ан васкăр. Ачăрпа телефонпа е курса калаçăр. Унран ырри тата шанчăкли çук.
А.МИХОПАРКИН, районти полици уйрăмĕн начальникĕ.
Источник: "Пирěн пурнăç"