17 августа 2016 г.
"Нива" ЯХПК, В.А.Никитинпа Н.Ю.Кряжин фермер хуçалăхĕсем вырса пĕтернĕ. Район администрацийĕн ялхуçалăх пайĕн оперативлă кăтартăвĕсемпе килĕшỹллĕн августăн 16-мĕшĕ тĕлне районти хуçалăхсем вырма лаптăкĕн 63,4 процентне (3370 га) тирпейленĕ, вăл шутра 2070 га тулă, 234 га сĕлĕ, 1066 га урпа. Пĕтĕмпе 8371 тонна тыр-пул тĕшĕлесе илнĕ. Тыр-пулăн вăтам тухăçĕ 24,8 центнерпа танлашать. Уй-хирте 5 комбайн ĕçленĕ.
"Нива" ЯХПК-ра (900 га) тата В.А.Никитинпа (20 га) Н.Ю.Кряжин (30 га) хресченпе фермер хуçалăхĕсенче пĕрчĕллĕ тата пăрçа йышши культурăсене пĕтĕмпех çулса пĕтернĕ. "Коминтерн" ЯХПК-ра вырма ĕçĕсене 77,10 процент, "Свобода" колхозра 82,1 процент, "Серебряные ключи", Н.И.Лисаев фермер хуçалăхĕсенче 67 процентшар пурнăçланă.
А.ДМИТРИЕВА.
Источник: "Пирěн пурнăç"