Публикации » 140 ытла çемье 25 пин тенкĕ илчĕ

19 августа 2016 г.

Пенси фончĕ амăшĕн капиталĕн шутĕнчен 25 пин тенкĕ пама заявлени йышăнма тытăннăранпа уйăх çурă та çитрĕ ĕнтĕ. Çак укçана 2007 çулхи январĕн 1-мĕшĕнчен пуçласа 2016 çулхи сентябрĕн 30-мĕшĕччен иккĕмĕш е ун хыççăнхи ача çуратакан (усрава илекен) çемьесем пепки миçе çула çитнине пăхмасăрах илме пултараççĕ. Укçана кулленхи пурнăç ыйтăвĕсене тивĕçтерме параççĕ. Заявление Пенси фондĕнче е нумай функциллĕ центрта (МФЦ) 2016 çулхи ноябрĕн 30-мĕшĕччен йышăнатпăр. Çавăн пекех заявление килтен тухмасăрах Раççей Пенси фончĕн сайтĕнчи "Гражданинăн уйрăм пỹлĕмне" кĕрсе çырма пулать. Çапла тума малтан Патшалăх пулăшăвĕсен пĕрлехи порталĕн-че регистрациленмелле, пароль илмелле. 25 пин тенкĕ счет çине заявлени çырнă кунран 2 уйăх хушшинче куçать. Районти 140 ытла çемье çак укçана алла илчĕ ĕнтĕ.

Алина ЕЖЕЕВА, РФ Пенси фончĕн районти уйрăмĕн начальникĕ.

Источник: "Пирěн пурнăç"