24 августа 2016 г.
Районти хуçалăхсенче çитес çулхи тыр-пул никĕсне хывса хăварас ĕç пуçланнă. Кĕрхи культурăсене акма "Нива" ЯПХК-ра, "Свобода" колхозра, Н.И.Лисаев тата В.А.Никитин хресченпе фермер хуçалăхĕсенче пуçланă. Асăннă хуçалăхсем кăçал кĕрхи культурăсене 450-500 гектар таран акса хăварма палăртнă.
Кĕрхисен чи пысăк лаптăкĕ (700 гектар) "Коминтерн" ЯХПК-н пулĕ. Августăн 22-мĕшĕ тĕлне районĕпе 210 гектар кĕрхи пĕрчĕллĕ культурăсене акнă. Вăл шутра тулă 174 гектар, ыраш - 36. Районĕпе вара 2050 гектар акма план тунă. Çакна валли августăн 23-мĕшĕ тĕлне 1710 гектар çĕр хатĕрленĕ (83,5 процент).
Источник: "Пирěн пурнăç"