26 августа 2016 г.
Ыран, августăн 27 мĕшĕнче, пирĕн çĕршывра Раççей кино кунне паллă тăваççĕ. Çак кун республикăри пур районта та, çав шутра пирĕн патра та, "Кино каçĕ" акци иртет. Хĕрлĕчутайсен те кинона пысăк экран çинче курма май пулĕ - сеанссем Хĕрлĕ Чутайри, Питĕркассинчи, Атнарти, Мăн Этменти, Сĕнтĕкçырминчи, Кив Атикассинчи, Тралькассинчи Культура çурчĕсенче иртĕç. Акци тĕрлĕ куравсемпе уçăлĕ. Каçхи кинона кăмăллакансем "Батальон" фильма курĕç. Хĕрарăмсен батальонĕн паттăрлăхĕ пирки пыракан фильм 19 сехетре пуçланать. Кинона тỹлевсĕрех кĕртĕç. 21 сехетре 80-мĕш çулсенчи дискотекăна кăмăллакансем юрă-ташăпа савăнĕç. 23 сехетре "Кино каçĕ" акцие хупĕç.
Александр САМСОНОВ, райадминистрацин культура, спорт тата архив ĕçĕн пай начальникĕ, Чăваш Республикин тава тивĕçлĕ культура ĕçченĕ.
Источник: "Пирěн пурнăç"