02 сентября 2016 г.
Август уйăхĕн юлашки кунĕсенче республикăра шахмат енĕпе çамрăксем хушшинче первенство иртнĕ. Унта Чăваш Енри 100 яхăн арçын ачапа хĕрача хутшăннă. Вĕсем эрне хушши пилĕк ỹсĕм категорийĕнче классика шахматне выляс енĕпе ăмăртнă. Республика первенствин çĕнтерỹçи ятне илессишĕн 29 çамрăк шахматçă тупăшнă.
Палăртма кăмăллă, 14-16 çулсенчи хĕрсем хушшинче çĕнтерĕве Хĕрлĕ Чутай салинчи Дарья Романовапа Елена Афанасьева уявланă. Нумай хут чемпион ятне тивĕçнĕ Александр Ефремов аслисен ушкăнĕнче çĕнтернĕ. Çамрăк шахматçăсен çитес тĕлпулăвĕ çак вырсарникун иртет. Сентябрĕн 5-мĕшĕнче вара шахмата юратакансем Шуршăла, Совет Союзĕн икĕ хут Геройне Андриян Николаева асăнса иртекен "Космос шахмачĕсем" республикăри виççĕмĕш уçă турнира пухăнĕç.
А.ДМИТРИЕВА.
Источник: "Пирěн пурнăç"