23 сентября 2016 г.
Чăвашстат пĕлтернĕ тăрăх, çак кунсенче Пĕтĕм Раççейри ялхуçалăх çыравĕн пресс-центрĕ массăллă информаци хатĕрĕсем хушшинче çырав пирки калакан чи лайăх публикацие палăртас енĕпе ирттернĕ конкурса пĕтĕмлетнĕ.
Палăртма кăмăллă, çĕнтерỹçĕсем йышĕнче район администрацийĕн сайчĕ те пур. "Ялхуçалăх çыравне хатĕрленсе ирттерессине Интернетри массăллă информаци агентствисем хушшинче аван çутатнăшăн" номинацире вăл 20 пин тенкĕпе танлашакан виççĕмĕш премие тивĕçнĕ. Пĕрремĕш вырăнта - Чулхулари телерадиокомпани сайчĕ, иккĕмĕшĕнче - Саратов облаçĕнчи сайт.
Конкурсра пурĕ 125 массăллă информаци хатĕрĕсем, интернет-ресурссем, уйрăм журналистсем хутшăннă. Вĕсем хушшинче пирĕн район сайчĕ те палăрма пултарни савăнтарать.
Источник: "Пирěн пурнăç"