Публикации » Этнографи диктантне çырăпăр

28 сентября 2016 г.

Пирĕн çĕршывра тĕрлĕ предметпа Пĕтĕм Раççейри диктант йĕркелесси анлă сарăлчĕ. Хальхинче этнографи диктантне çырма чĕнеççĕ. Ăна Раççейре пĕрремĕш хут йĕркелеççĕ. Диктанта октябрĕн 4-мĕшĕнче çыртараççĕ. Вăл çĕршывра 11 сехетре пуçланĕ. Çак акцие 15 çултан аслăраххисем хутшăнма пултараççĕ. Чăваш Енре ку диктанта Шупашкар, Çĕнĕ Шупашкар, Канаш, Улатăр хулисенче çыраççĕ. Унсăр пуçне онлайн мелĕпе тестировани ирттереççĕ. 30 ыйтуран тăраканскер 13 сехетре старт илĕ. Диктанта ноябрĕн 4-мĕшĕнче пĕтĕмлетеççĕ. Кăтартусене тишкернĕ хыççăн вĕренỹ программине мĕнлерех улшăнусем кĕртесси пирки калаççĕ.

Источник: "Пирěн пурнăç"