28 сентября 2016 г.
Кашни çулах сентябрĕн 27-мĕшĕнче шкул çулне çитмен ачасемпе ĕçлекенсем хăйсен професси уявне паллă тăваççĕ. Воспитательсем - тарăн пĕлỹллĕ, пысăк опытлă, пĕчĕккисемпе хутшăнма, пĕр чĕлхе тупма пĕлекенсем - ачалăха ырăрах, хаваслăрах, асра юлмалларах тăваççĕ. Паянхи кун пирĕн районта тăватă ача сачĕ ĕçлет, 7 вĕренỹ учрежденийĕсенче шкул çулне çитменнисеннисен ушкăнĕсем пур. Вĕсенчи 656 ачана 55 педагог пĕлỹпе воспитани парассишĕн тăрăшать.
Пирĕн воспитательсем çулсеренех районта, республикăра иртекен професси ăсталăхĕн конкурсĕсене хутшăнаççĕ. Курăмлă ĕçлесе пыракан ача сачĕсем грантсене, педагогсем тĕрлĕ шайри наградăсене тивĕçеççĕ.
Ĕнер, сентябрĕн 27-мĕшĕнче, районта шкул çулне çитмен ачасемпе вăй хуракан мĕнпур ĕçчен Хĕрлĕ Чутай шкулне пухăнчĕ. Палăртма кăмăллă, савăнăçлă мероприятире чи пултаруллисене палăртса Хисеп грамотисемпе чысларĕç.
Район пуçлăхĕн Тав çырăвне нумай çул тỹрĕ кăмăлпа ĕçленĕшĕн Ишеккассинчи ача сачĕн воспитателĕ Галина Александровна Сатлайкина, Мăн Этмен шкулĕ çумĕнчи ача сачĕн воспитателĕ Марина Владимировна Васильева, "Хĕвел" ача сачĕн воспитателĕ Ирина Петровна Михопаркина тивĕçрĕç.
Район администрацийĕн Хисем грамотипе Шулю шкулĕн поварне Марина Дмитриевна Комиссарована, "Пилеш" ача сачĕн ĕçченне Татьяна Владимировна Мидакована, Хусанушкăнь шкулĕнче тăрăшакан Альбина Александровна Фролована, Çĕн Атикасси шкулĕн поварне Ираида Александровна Романована, Мăн Этмен шкулĕ çумĕнчи ача сачĕн воспитатель пулăшаканне Галина Михайловна Османована наградăларĕç.
Район администрацийĕн вĕренỹ пайĕн Хисеп грамотипе Çĕн Атикасси шкулĕн поварне Алина Александровна Лобована, "Пилеш" ача сачĕн воспитатель пулăшаканне Ольга Петровна Ишмендерована, "Хĕвел" ача сачĕн ĕçченне Альбина Дмитриевна Масленникована, "Пилеш" ача сачĕн поварне Ирина Аврамовна Гусевана, Хусанушкăнь шкул ĕçченне Алина Юрьевна Утейкинана, "Хĕвел" ача сачĕнче вăй хуракан Владимир Иванович Сорокина, Çĕн Атикасси шкулĕнче тăрăшакан Аля Николаевна Дмитриевана чысларĕç.
Республикăри профсоюз организацийĕн Хисеп грамотине "Пилеш" ача сачĕн воспитателĕ Елена Семеновна Сармандейкина тата "Хĕвел" ача сачĕн воспитателĕ Зинаида Витальевна Федо-рова тивĕçрĕç. Районти профсоюз организацийĕн Хисеп грамотине "Хĕвел" ача сачĕн воспитательне Людмила Константиновна Утриванована парса саламларĕç. Кăçал аслă вĕренỹ заведенийĕнче пĕлỹ илнĕ хыççăн тăван района таврăнакан та пулчĕ. Вăл - Питĕркасси хĕрĕ Кристина Николаевна Мидейкина. Паян К.Мидейкина "Хĕвел" ача садĕнче воспитательте тăрăшать. Савăнăçлă уявра ăна та саламласа ăнăçу сунчĕç, асăнмалăх парне пачĕç.
А.САН.
Источник: "Пирěн пурнăç"