Публикации » Ĕçпе канăвăн йĕрки пур

07 октября 2016 г.

 Чăваш Ен прокуратурин пресс-служби пĕлтернĕ тăрăх, Хĕрлĕ Чутай район прокуратури пассажирсене турттаракансем лицензи условийĕсене мĕнле пурнăçланине тĕрĕсленĕ. Саккунпа килĕшỹллĕн водительсен ĕç тата кану вăхăчĕсен йĕркипе килĕшỹллĕн ĕç вăхăчĕ эрнере 40 сехетрен иртмелле мар. Анчах та, тĕрĕслев кăтартса панă тăрăх, пассажирсене турттарас ĕç-хĕле пурнăçлакан Терентьев уйрăм предприниматель водительсен ĕç вăхăчĕн учетне тытса пыманнине тата кану вăхă- чĕсен йĕркине пăснине тупса палăртнă. Çавăн пекех çула тухмалли расписание пăхăнманни те пулкаланă. Йĕркене пăснă тĕслĕхсемпе район прокурорĕ уйрăм предприниматель тĕлĕшпе административлă ĕç пуçарнă, ăна миравай суда ярса панă. Ĕçе тишкернĕ хыççăн предпринимателе административлă явап тыттарма йышăннă.

А.ЗАМУТКИНА.

Источник: "Пирěн пурнăç"