19 октября 2016 г.
Ноябрь вĕçĕнче паллă тă-вакан Аннемĕр кунне халалласа эпир район хаçатĕнче çак ятпа çĕнĕ рубрика уçасшăн. Ун пирки шухăша путсанах ача чухне вĕреннĕ сăвă йĕркисем аса килчĕç: "Пире кам ачашшăн лăпкать пĕчĕкрен, чипер çын тăвасшăн çунать чĕререн? Вăл - пирĕн анне-çке, юратнă анне..." Е тата: "Анне эсĕ ир тăран, ир тăран та ĕç тытан..." Чăнах та, çапла-çке вĕсем, аннесем - ачисемшĕн чунтан çунаççĕ, вĕсене ырă, тĕрĕс-тĕкел ỹстерес тесе хăйсене шеллемесĕр тăрăшаççĕ. Çав хушăрах тата хăйсен чун канăçне те вăхăт уйăрма ĕлкĕреççĕ вĕсем. Мĕн кăна тума пĕлмеççĕ пулĕ пирĕн аннесем - тутлă апат та пĕçереççĕ, çыхаççĕ, тĕрлеççĕ, çĕлеççĕ, чечек ỹстереççĕ... "Манăн аннен чĕри те, алли те ылтăн" çĕнĕ рубрикăра шăпах çакăн пек аннесем пирки çырнă материалсене кĕтетпĕр те сирĕн-тен, хисеплĕ вулакансем! Хăйĕн ылтăн алăллă амăшĕ пирки хуть те кам та çырса пама пултарать - шкулта вĕренекенсем те, аслисем те... Е тата кинсемшĕн хунямăшĕ "иккĕмĕш анне" мар-и? Вĕсем çинчен те каласа пама юрать. Мăнукĕсем асламăшĕпе кукамăшĕ çинчен çырччăр - "манăн аннен амăшĕ" е "манăн аттен амăшĕ" çинчен те каласа памаллах. Çырнипе пĕрле амăшĕн сăнỹкерчĕкĕ те пултăр - унта вăл ăсталанă, çыхнă-тĕрленĕ япаласе-не сăнланă пулсан та аван. Асăннă рубрикăра пичетленнĕ чи кăсăклă, илемлĕ материалсен авторĕсене парнесемпе хавха-лантарăпăр. Хисеплĕ вулакансем, районта пурăнакансем, хăвăр аннĕрсем пирки каласа пама ан вăтанăр! Пирĕн пата почта урлă çырусем ярăр, е электронлă почтăна çырăр, ỹркенмесен редакцине кĕрсе тухăр. Эпир сире яланах хавас!
РЕДАКЦИ.
Источник: "Пирěн пурнăç"