Публикации » Вăхăтра ĕçлеççĕ, вăхăтра канаççĕ

28 октября 2016 г.

"Нива" ялхуçалăх производство кооперативĕнче ĕçлекенсем иртнĕ кунсенче уй-хир ĕçĕсене вĕçленине паллă тунă. Савăнăçлă лару-тăрура хуçалăх ертỹçи Владимир Мурайкин ĕç пĕтĕмлетĕвĕсемпе паллаштарнă, выльăх-чĕрлĕх тата ỹсен-тăран продукцине туса илес кăтартусем лайăх пулнине палăртнă, ĕç çыннисене тăрăшса ĕçленĕшĕн тав тунă. Ял ĕçченĕсен уявне район пуçлăхĕ Александр Степанов та хутшăннă. Район пуçлăхĕ агропромышленность комплексĕнче 30 çул ытла тỹрĕ кăмăлпа тăрăшса ĕçлекен Зоя Федоровна Горшкована Тав çырăвĕпе чысланă. Хуçалăхăн тĕп инженерĕ Юрий Гаврилович Воронов вара Тралькасси ял тăрăхĕн Тав çырăвне тивĕçнĕ. Хуçалăх ĕçченĕсене Шупашкарти юрăçсем концертпа савăнтарнă.

Источник: "Пирěн пурнăç"