09 ноября 2016 г.
Халăхсен пĕрлĕхĕн кунĕнче наци культурине упрас, аталантарас ĕçе тỹпе хывнăшăн, обществăлла пурнăçа активлă хутшăннăшăн Чăваш Республикин Пуçлăхĕн Тав Çырăвне Чăваш наци конгресĕн членĕ Юлия Петровна Мареева тивĕçнĕ.
Пирĕн тум та хитре, эпир хатĕрленĕ апат та тутлă. Çакна Чăваш патшалăх оперăпа балет театрĕнче "Раççей халăхĕн пĕрлехи çемйи" ятпа ирттернĕ, Халăхсен пĕрлĕхĕн кунне халалланă наци культурин III-мĕш фестивалĕнче хĕрлĕ чутайсем çирĕплетсе панă. Хĕрлĕ Чутай салинче пурăнакан Юлия Петровна Мареева тăрăшнипе фойере уява пухăннă тĕрлĕ халăхăн представителĕсем чутайсен тумĕпе тата апат-çимĕçĕпе киленме пултарнă.
Чăваш наци конгресĕ районта чылай ĕç тăвать. Унăн районти уйрăмĕн ертỹçи Юлия Петровна Мареева тăрăшнипе "Чутай Нарспийĕ", "Чутай пики - 2016", "Чи пултаруллă асанне - 2015", "Вăйă картинче" ачасен фольклор фестивалĕ тата ытти мероприятисем те иртрĕç.
Источник: "Пирěн пурнăç"