23 ноября 2016 г.
Регионсем хушшинчи "Чăваш наци конгресĕ" общество организацийĕ ноябрĕн 24-26-мĕшĕсенче Шупашкарти филармонире "Раççей чăваш пики-2016" конкурс ирттерет. ЧР Культура министерстви пулăшнипе иртекен Пĕтĕм Раççейри конкурса пултаруллă çамрăксене тупса палăртас, чăваш наци йăли-йĕркине упраса хăварас тĕллевпе йĕркелеççĕ. Малтанласа палăртнă тăрăх, конкурсра пурĕ 30 ытла пике тупăшĕ.
Пирĕн районтан Штанаш ял тăрăхĕнче çуралса ỹснĕ, хальхи вăхăтра Чăваш патшалăх педагогика университетĕнче ăс пухакан Наталья Соловьева хутшăнĕ. Аса илтеретпĕр, кăçалхи çуркунне Наталья "Кĕмĕл сасă-2016" конкурсра çĕнтернĕччĕ. ЧНК-н районти уйрăмĕ вара "Чи пултаруллă хăтапа тăхлачă" конкурс йĕркелет. Вăл декабрĕн 7-мĕшĕнче районти Культура çуртĕнче 18 сехетре иртĕ.
А.КАРПОВА.
Источник: "Пирěн пурнăç"