23 ноября 2016 г.
Ноябрĕн 17-мĕшĕнче Шупашкарта Халăх юррисене юрлакансен регионсем хушшинчи Ираида Вдовина ячĕллĕ "Ай, юрлар-и!.." конкурс иртнĕ. Ăна чăваш халăх юррисене халăхра сарас, пултаруллă юрăсене тупса палăртас тĕллевпе ирттернĕ.
Унта районти "Шанчăк" фольклор коллективĕн ертỹçипе Галина Сергеевапа Василий Романов концертмейстер "Халăх юррине кăмăллакансем" номинацире хăйсен пултарулăхĕпе паллаштарнă. Галина Ананьевна юрăсене пысăк ăсталăхпа шăрантарса панă. Çакна асăрханă жюри 45 юрăç хушшинче Гран-прие шăпах ăна пама йышăннă. Галина Сергеева юрланине патшалăх тата Наци теле-радиокомпанийĕсен кăларăмĕсенче те курма пулĕ.
А.ЗАМУТКИНА.
Источник: "Пирěн пурнăç"