Публикации » Чи лайăх зоотехник

30 ноября 2016 г.

Нумаях пулмасть район администрацийĕ ялхуçалăх предприятийĕнче ĕçлекенсен тăхăр уйăхри ĕçĕсене пĕтĕмлетнĕ май çĕнтерỹçĕсене палăртнăччĕ. Вĕсенчен пĕри - "Свобода" колхозра ĕçлекен Раиса Филиппова. Хуçалăх аш-какай, сĕт производствине тата мăйракаллă шултра выльăх йышне 104 процент таран ỹстернинче унăн тỹпи пысăк. Çакăншăн вăл "Районти чи лайăх тĕп зоотехник" ята, район администрацийĕн Хисеп грамотине тивĕçнĕ. Раиса Ивановна 35 çул пĕр ĕçре вăй хурать. Хăй вăхăтĕнче вăл Чулхула облаçĕнче ветеринара вĕренсе тухнă. Çавăнтанпах асăннă хуçалăхра тăрăшать. Çак хушăра Раиса Филиппова республика шайĕнчи наградăсене чылай тивĕçнĕ. Чи сумли - "Чăваш Республикин ялхуçалăхĕн тава тивĕçлĕ ĕçченĕ" хисеплĕ ят. Эппин, хуçалăхра тăрăшни, тар тăкни сая кайман.

А.ЗАМУТКИНА.

Источник: "Пирěн пурнăç"