Публикации » Хăйсен ĕçĕнче чăн ăстасем

30 ноября 2016 г.

Атнарти вăтам шкул столовăйĕнче кашни кунах 135 ача апатланать. Шкул ачисене тутлă апат çитерессишĕн 24 çул ытла ĕнтĕ кунта Роза Орлова повар тăрăшать. Роза Германовнăн ирхи пилĕк сехетрех ĕç вырăнне васкать. Иккĕмĕш тата виççĕмĕш уроксем хыççăн çиекен вĕренекенсем валли вĕри апат хатĕр пулмалла-çке. Ачасем вара вăл пĕçернĕ техĕмлĕ апата кăмăлласах çиеççĕ. Повара шкул столовăйĕнчи ĕçсене пурнăçлама Ольга Ивановна Михайлова пулăшать, вăл кунта виççĕмĕш çул тимлет. Пĕр-пĕрне ăнланса, килĕштерсе ĕçлеççĕ вĕсем. "Шкул столовăйĕнче тăрăшакансем - хăйсен ĕçĕнче чăн ăстасем", - теççĕ вĕсем пирки шкулти вĕрентекенсем те, ашшĕ-амăшĕ те.

А.КАРПОВА.

Источник: "Пирěн пурнăç"