02 декабря 2016 г.
Районта пурăнакансем уйрăмах Раççей реестрĕн пулăшăвĕсемпе усă кураççĕ: куçман пурлăх правине тата унпа килĕшỹ тунине регистрацилеççĕ, ăна кадастр учетне тăратаççĕ, Правасен пĕрлехи порталĕ урлă тата Куçман пурлăхăн патшалăх кадастрĕнчен сведенисем илеççĕ. Çапла, 2016 çулхи 10 уйăх хушшинче Нумай функциллĕ центр халăха Раççей реестрĕн 2210 пулăшăвĕпе тивĕçтернĕ. Хваттер, çурт, çĕр лаптăкĕн сутни-илнин, парнеленин килĕшĕвне регистрацилемелле пулсан та центр пулăшать. Çĕр лаптăкне тара илнин, ăна нумай ачаллă çемьене панин килĕшĕвĕсене те кунтах регистрацилеççĕ. Куçман пурлăхăн кадастр паспортне, выпискине, кадастр хакĕн справкине те центрта параççĕ. НФЦ-ран харăсах патшалăх тата муниципаллă шайри пулăшусене илме май пур. Çакă уйрăмах ватă çынсемшĕн, инвалидсемшĕн, пĕчĕк ачасемпе ларакансемшĕн меллĕ. Районти центр Раççей реестрĕн тăватă тĕп пулăшăвĕпе тивĕçтерет. Пулăшăва 3-5 ĕç кунĕ хушшинче параççĕ. Çулталăк пуçланнăранпа республикăра пурăнакан 130 пин çын куçман пурлăха харпăрлăха куçарнă тата унпа пĕр-пĕр килĕшỹ тунă чухне нумай функциллĕ центрсемпе усă курнă.
Раççей реестрĕн Чăваш Республикинчи управленийĕ.
Источник: "Пирěн пурнăç"