07 декабря 2016 г.
Декабрĕн 2-мĕшĕнче райадминистрацин ЗАГС пайĕнче районти ултă çамрăк граждана Раççей Федерацийĕн паспорчĕсене пачĕç. Çывхарса килекен Раççей Конституцине халалланă савăнăçлă мероприятие Федераллă Миграци службин районти уйрăмĕн тĕп эксперт специалисчĕ Елена Шорникова, ЗАГС пайĕн начальникĕ Ирина Егорова хутшăнчĕç. 14 çул тултарнă яшсемпе хĕрсене - Туктамăшри Никита Сергеевич Ананьева, Хĕрлĕ Чутайри Наталья Сергеевна Захарована, Трапайри Ульяна Ивановна Хораськинана, Мучикассинчи Диана Владимировна Миронована, Енкĕлтри Демьян Васильевич Белова, Тури Çĕрпỹкассинчи Ксения Александровна Ефимована - пĕрремĕш хут паспорт панă май вĕсене çĕршывăн тивĕçлĕ гражданĕсем пулма сунчĕç. Елена Геннадьевна паспорт çыннăн тĕп докуменчĕ пулнине, ăна вăхăтра улăштарса тăмаллине палăртрĕ. Çавăн пекех çак яваплă та асра юлмалли кун çамрăксене ашшĕ-амăшĕ, çывăх çыннисем саламларĕç.
А.КАРПОВА.
Источник: "Пирěн пурнăç"