Публикации » Чечекĕ хитре, яваплăхĕ пысăк

14 декабря 2016 г.

Нумаях пулмасть хаçат страницинче районта пурăнакан 38 çулхи хĕрарăм хăйĕн хуçалăхĕнче мăкăнь чечекĕн 21 тĕмне ỹстернине çырса кăларнăччĕ. Çакна полици сотрудникĕсем çулла ирттернĕ "Мăкăнь - 2016" операци вăхăтĕнче тупса палăртнăччĕ. Мăкăнь тĕмĕсене тĕрĕслеве янă хыççăн ун тытăмĕнче наркотик пурри паллă пулчĕ. Ỹсен-тăранăн типĕ масси 101, 420 грампа танлашрĕ. РФ УК-ан 231 статйин 1-мĕш пайĕпе килĕшỹллĕн наркотиклă япаласем пур ỹсен-тăрана саккунсăр ĕрчетме юрамасть. Çавăнпа та преступлени тунă хĕрарăмăн суд йышăнăвĕпе 180 сехет обязательнăй ĕçсенче ĕçлемелле пулать.

Валерий ШОРКИН, район прокурорĕ.

Источник: "Пирěн пурнăç"