14 декабря 2016 г.
Заявленисене патшалăх пулăшăвĕсен Пĕрлехи порталĕ урлă электрон майпа та ярса пама пулать. РФ "Пăшалсем пирки" Федераллă саккунĕпе килĕшỹллĕн шалти ĕçсен органĕсенче кирлĕ лицензипе ирĕк илнĕ граждансен кăна пăшалпа патрон упрама юрать. Кашни пăшал хуçи лицензипе ытти документа вăхăтра тăстарассишĕн яваплă. Çирĕплетнĕ правилăсене пăхăнмасан административлă яваплăх кĕтет, пăшал упрама чарма та пултараççĕ. Лицензипе пăшал упрама ирĕк паракан документăн вăйра тăракан вăхăтне тăстарас ыйтусемпе район çыннисем районсем хушшинчи Çĕмĕрлери шалти ĕçсен уйрăмне кайма пултараççĕ, унăн адресĕ: Çĕмĕрле хули, Щербаков урамĕ, 43 çурт, тел.: 8 (83536) 2-29-90, е лицензипе пăшал упрама ирĕк паракан подразделени сотрудникĕ уйăхăн кашни иккĕмĕш тата тăваттăмĕш эрнекунĕнче Хĕрлĕ Чутай салин Çĕнĕ урамĕнчи 10-мĕш çуртра йышăнать.
Александр МИХОПАРКИН, районти полици уйрăмĕн начальникĕ.
Источник: "Пирěн пурнăç"