16 декабря 2016 г.
Çак кунсенче çĕршывра коммерциллĕ мар органи-зацисене грантсем парассипе ирттернĕ тăваттăмĕш уçă конкурса пĕтĕмлетнĕ. Конкурса пĕтĕмпе 4634 обществăлла организаци хутшăннă, 23-шĕ Чăваш Енри коммерциллĕ мар организацисенчен. Вĕсенчен виççĕшĕ - "Веда" шырав отрячĕ" ("Своя дивизия. Помнить всех поименно!" проектпа), "МегаТĕллев - лайăх хула" ("ROBOTICS" проектпа) тата Чăваш республикинчи хĕрарăмсен канашĕн Ыркăмăллăх фончĕ ("Наци тата культура йăли-йĕркисене амăшĕнчен хĕрĕ патне, ашшĕнчен ывăлĕ патне куçарасси тата упраса хăварасси" республикăри куçса çỹрекен курав" проектпа) - çĕнтерỹçĕсен йышне кĕнĕ.
Аса илтеретпĕр, çакăн евĕр пĕрремĕш конкурса Чă-ваш Енри 20 заявкăран икĕ обществăлла организаци, иккĕмĕш конкурсра 18 заявкăран пĕр организаци, виççĕмĕш конкурсра 32 заявкăран виçĕ обществăлла организаци çĕнтерỹçĕ пулнă.
А.ЗАМУТКИНА.
Источник: "Пирěн пурнăç"