21 декабря 2016 г.
Декабрĕн 6-8-мĕшĕсенче районта чи пултаруллă педагог-психолога, социаллă педагога, учитель-логопеда палăртассипе конкурс иртнĕ. Республика шайĕнчи конкурсăн районти тапхăрне пурĕ 9 специалист хутшăннă. Районти конкурса пĕтĕмлетсе жюри çапла палăртнă:
- "Çулталăкри педагог-психолог" номинацире 1-мĕш вырăна Хĕрлĕ Чутайри вăтам шкулти Светлана Ярайкина тухнă, иккĕмĕш - çак шкулта тимлекен Елена Емельянова, виççĕмĕш - "Пилеш" ача сачĕн психологĕ Надежда Печникова.
- "Çулталăкри социаллă педагог" номинацире Мишеркасси шкулĕнчи Людмила Долгова пĕрремĕш вырăн йышăннă, иккĕмĕш вырăна Çĕн Атикасси шкулĕнчи Алина Осеева тухнă, Хĕрлĕ Чутай шкулĕнчи Надежда Сятрайкина виççĕмĕш пулнă.
Çавăн пекех жюри йышăнăвĕпе Хĕрлĕ Чутай шкулĕн социаллă педагогĕ Альбина Романова "Педагог-исследователь" номинацире, Мăн Этмен шкулĕн социаллă педагогĕ Римма Трифонова "Педагог-теоретик" номинацире, Çĕн Атикасси шкулĕнче тимлекен Алевтина Алексеева "Педагог-практик" номинацире палăрнă. Конкурсра çĕнтернĕ педагогсем республика шайĕнчи тупăшăва хутшăнĕç.
А.КАРПОВА.
Источник: "Пирěн пурнăç"