23 декабря 2016 г.
Вячеслав Борисов "Çĕршыв умĕнчи тава тивĕçлĕ ĕçсемшĕн" II степеньлĕ медале тивĕçнĕ Раççей Федерацийĕн Правительствинче декабрĕн 19-мĕшĕнче ĕç тăвакан федераллă органсемпе организацисен представителĕсене наградăсем панă. Палăртма кăмăллă, çак кун пирĕн ентеше Вячеслав Борисова та РФ Правительствин Председателĕ Дмитрий Медведев патшалăхăн пысăк наградипе - "Çĕршыв умĕнчи тава тивĕçлĕ ĕçсемшĕн " II степеньлĕ медальпе - чысланă.
Вячеслав Аркадьевич 1972 çулта Туктамăш ялĕнче çуралнă. Вăл виçĕ аслă пĕлỹ илнĕ, вĕсенчен пĕри - юридици. Вячеслав Борисов - экономика наукисен кандидачĕ. Професси ĕç-хĕлне вăл яваплă должноçсенче ирттернĕ: тĕрлĕ çулсенче Чăваш Республикин пурлăх хутшăнăвĕсен министрĕн çумĕнче, финанссене йĕркене кĕртес тата банкротлăх енĕпе ĕçлекен федераллă службăн территорири органĕн ертỹçинче, Чăваш Республикин транспорт тата çул-йĕр хуçалăхĕн министрĕнче вăй хунă. 2008 çулхи июлĕн 2-мĕшĕнчен пуçласа Вячеслав Аркадьевич Борисов федераллă антимонополи службин Чăваш Республикинчи управленине ертсе пырать.
Источник: "Пирěн пурнăç"