Публикации » Пенсионерсем пилĕк пине вăхăтра илĕç

23 декабря 2016 г.

"Пенси илсе тăркан граждансене пĕр хут паркан укçа тỹлевĕ çинчен" 385 № Федераллă саккунпа килĕшỹллĕн 5000 тенкĕне çĕршывра пурăнакан пур пенсионер та тивĕçет. Çак тỹлеве 2017 çулхи январĕн 13-28-мĕшĕсенче парса татĕç. Республикăри почта çыхăнăвĕн уйрăмĕсем пенсионерсен 34 процентне пĕр хут паракан укçана пенсипе пĕрле çитерсе парĕç. Шăпах пенсионерсен çавăн чухлĕ процентне "Раççей Почти" пенси çитерсе парать, 64 процентне - банксем, 2 процентне - урăх организацисем. Енчен те укçа хуçи килте пулмасан почтальонсем почта ешчĕкне уведомлени чиксе хăварĕç, пенсионер вара пилĕк пине хăйсен почта уйрăмĕнче илĕ (январĕн 28-мĕшĕ юлашки кун) е почтальон ку укçана февральте пенсипе пĕрле парĕ. Пенси укçине банкран илсе тăракансен вара пилĕк пин тенкĕне унтанах илмелле. А.ЗАМУТКИНА.

Источник: "Пирěн пурнăç"